• Swartvlei Seekamp - 25 Junie tot 2 Julie 2022 Boknes Voortrekkerkampterein - Oos-Kaap

  • Swartvlei Seekamp - 25 Junie tot 2 Julie 2022 Boknes Voortrekkerkampterein - Oos-Kaap

  • Swartvlei Seekamp - 25 Junie tot 2 Julie 2022 Boknes Voortrekkerkampterein - Oos-Kaap

  • Swartvlei Seekamp - 25 Junie tot 2 Julie 2022 Boknes Voortrekkerkampterein - Oos-Kaap

  • Swartvlei Seekamp - 25 Junie tot 2 Julie 2022 Boknes Voortrekkerkampterein - Oos-Kaap

  • Swartvlei Seekamp - 25 Junie tot 2 Julie 2022 Boknes Voortrekkerkampterein - Oos-Kaap

  • 1
  • 2
  • 3
  • 4
  • 5
  • 6

Kampraad / Administrasie / Ondersteunings Divisies

Kampraadsvergadering 20 Februarie 2022

 

Die Skeepskaptein (Kampleier)
Bertus Fourie (Kaptein Wolf)

Op Swartvlei is ons baie gelukkig om ons eie mak wolf te hê wat altyd reg is vir pret, maar Wolf moes seile span en roer neem, en is nou Kaptein Wolf. Kaptein Wolf is baie lief vir die bemanning, vol energie, het altyd 'n glimlag en is boonop die mooiste, aantreklikste wolf ooit. Kaptien Wolf se hoof prioriteit is om seker te maak dat elke bemanningslid die kamp geniet, dat die kos vreeslik lekker is en Die Varkies almal op hok is. Kaptein Wolf se planne is om Swartvlei 2022 die beste kamp ooit te maak!

    

 

 

Die Haaihok (Skeepskantoor)
Kamp Finansies - Anita Bezuidenhoudt
Kamp Administrasie - Ingrid Fourie
Kampsekretaresse - Angelique van Aardt

Die Haaie maak sommer al vroeg met jou kennis. Soos jy inskryf weet ons van jou, watter spesialisasie jy gaan doen, watter grootte t-hemp jy verkies en ons maak seker jy kry al jou knopies en kentekens tydens die kamp.

Kom draai by die Haaie wanneer jy by die kamp aankom en sê haai. Die haai hok se deur staan altyd oop vir enige navrae van oud en jonk.  Ja selfs vir kaptein wolf.  Moet net nie vergeet om weer baai te sê aan die einde van die kamp nie.

    

Facebook fotos 2019

 

 

Die Varkies (Offisiere van die Dag - Bemanning)
Liesl Krause (Krimpvark)
Charene Agenbach (Aardvark)
Jan-Albert De Kock (Vlakvark)

Huisdier: ''Tjoppie''

Wat doen die Varkies op die kamp? Niemand weet nie! Die Drie Varkies weet nog minder! Die Drie Varkies se klere was altyd vreeslik vuil, nou moet hulle dra pienk klere dra, omdat al die ander mooi kleure op die kamp gevat is. Hulle swem elke dag in die see, omdat hulle nie ander tyd kry om skoon te kom nie. Die varkies hou baie van drukkies, en elke dag is Varkie-drukkiedag! Gedurende tentinspeksie slaap die varkies 'n klein bietjie in elke tent, net om seker te maak die tent slaap lekker. Die Drie Varkies eet ook heel laaste en gee hulle beurt weg as daar nie genoeg ''tweede rondte opskep'' is vir die bemanning nie. In die Varkhok word daar elke dag partytjie gehou en al die offisiere en bemanning is genooi. Swartvlei 2022 by Boknes gaan 'n nuwe avontuur wees en Die Drie Varkies kan nie wag om die bemanning weer te sien nie!

    

Facebook fotos 2019

Facebook fotos 2018

 

 

Die Pikkewyne (Offisiere van die Dag - Volwassenes)
Myburgh Bester, Annemarie de Kock, Kobus Muller

    

Facebook fotos 2019

 

 

Die Uile (Skeepsmedia)
Marette & Cliff Bennett

Huisdier: ''Oupa Uil''

Die Uile is verantwoordelik vir die daaglikse nuus uitsending, fotos en videos, sosiale media en die webwerf. Dis lang ure met min slaap, maar die beste plek op die kamp, want ons sien, hoor en deel in alles wat op die kamp gebeur. Met ander woorde ons mis niks nie.

Die skeepmedia het van handgeskrewe koerantjies ontwikkel en is nou modern en totaal digitaal. Divisies plaas elke dag hulle eie fotos/videos in hulle spesifieke Facebook albums, en van daar af trek ons media vir die bemanning se aandprogram. Fotograwe kan nog steeds hulle media kaarte na die Uilhok toe bring om afgelaai te word. Ouers en Voortrekkers by die huis bly heeltyd op hoogte deur by die Facebook groep aan te sluit en te volg.

    

 

 

Die Skeepskombuis
Jannes Pieters & Antoinette Pieterse

Huisdier: "Swartatouille"

Die kombuis is die hart van enige kamp, en in Swartvlei se kombuis klop daar groot dinge vir 2022 ! 
 
Ons werk en speel ewe hard saam - maar daar is nie tyd vir stilstaan nie, as stilstaan, dan roer jy. Dit gebeur bitter min dat daar nie aksie in die kombuis is nie. Of dit nou gewerkskaf word, en òf ons net tussen die potte staan en kuier - daar is altyd iets aan die gebeur in die kombuis! Ons glo - As jy kan lees kan jy kook! Ons resepte is eenvoudig om te volg en ons loop soos n goed ge-oliede masjien. 
 
Ons sit net as ons broodjies sny, en eiers breek. Maar soms staan en dans ons soos ons potte roer, of daar word rondom die potte gesing en grappies vertel dat die trane loop. Dit - is - ñ - fees om deel van die kombuisspan te wees! Daar is n werkie vir almal: roerders, uitstappie-en personeel pakkers, wassers, braaiers, kombuis logistiek-beheer, voorraadbeheer, spesiale dieete, kokke en selfs ñ chef en ñ aankoper. Ons akkommodeer selfs spesiale diete soos diabetes, gluten en Laktose intoleransies. Ons resepte is vir PD's wat beteken eenvoudige disse met kos wat nie te deurmekaar of vreemd is nie. 
 
Die kombuis het ñ hartklop van sy eie wat soms mal deurmekaar lyk maar daar is altyd orde in die chaos. Daar is ñ plekkie vir enigeiemand in Swartvlei Skeepskombuis en almal is altyd welkom! Wie weet? - jy mag dalk jou volgende boesem vriend/in in die Swartvlei skeepskombuis ontmoet!
 
Sien jou tussen die kospotte vir 2022 se kamp!

         

Facebook fotos 2019

Facebook fotos 2018

 

 

Die Siekeboeg (Noodhulp)
Hendrien Scoombie & Alet van der Merwe

Huisdier: ''Beertjie''

Wat sal 'n kamp wees sonder 'n Noodhulp stasie? Daar waar 'n maatjie sommer net gou kan kom inhardloop vir 'n drukkie of 'n ''sweetie pilletjie'' vir daardie denkbeeldige pyn of ongesteldheid. Of waar die oormoeg Offisiere of SB's net vinnig kan kom rus na hulle deurnag uitstappie. Deur die jare leer 'n mens die verskil tussen rerig siek wees of dit wat net die denkbeeldig siek wees.

 
Noodhulp is die lekkerste bivisie om by te werk. Met 'n lekker span maak 'n mens die werk sommer gou klaar en kan ons ook 'n bietjie van die kamp geniet. Mammas wat tuis is en wonder wat gebeur met hulle kinders op die kamp veral as daar 'n mediese toestand is, kan gerus wees. Ons sien om dat die kinders gereeld hulle tuis-medikasie neem, al beteken dit ons moet agter hulle aanloop na hulle divisietent. Hier sien ons om na elke klagtetjie of soms groter pyne wat beteken ons moet soms baie laat met n pasiëntjie hospitaal toe ry sodat hy of sy daar deur n mediese dokter gesien kan word. Baie liefde en drukkies word hier uitgedeel en mooi vriendskappe word gesluit, wat hervat word met 'n volgende Swartvlei Weekamp. En dan is daar Beertjie wat graag by 'n maatjie lê of sit en jou sommer gou  beter laat voel.
 
Die kamp se higiëne is die Siekeboeg se verantwoorlikheid en word gereeld deur die dag gekontroleer.

    

Facebook fotos 2019

 

 

 

Die Skatkis (Skeepsaktiwiteite)
Anita Dreyer

Huisier: ''Skattie''

Skatkis.....wat 'n verrassing. Dis verf en teken. Krale ryg en morsekode ontsyfer. Dis saamsing en stories vertel. Ons maak geskenkies vir ons mense tuis van alles wat ons op die strand versamel om ons altyd aan Swartvlei te herinner. Ons skryf gediggies om n serp te verdien en spog by almal om dit te sien.  
 
Skatkis..... ja 'n skatkis vol verrassings, jy weet nooit wat jy daar gaan ontdek nie!

         

Facebook fotos 2019

Facebook fotos 2018

 

 

Soetvlei Skeepskantien (Snoepie)
Anita Bezuidenhoudt

Hier op Swartvlei werk die besige Soetvlei bytjies  heeldag daaraan om seker te maak dat al die bemanning ‘n ou soethappie of southappie saam kan vat strand toe, uitstappies toe of sommer net wanneer die bemanning lus raak vir daardie ekstra happie. Dit is altyd vir ons bytjies vreeslik lekker om al die opgewonde, laggende gesiggies van die bemanning te sien want in ‘n Skeepskantien is daar nooit tyd om nie hartjies bly te maak nie. 
So, kom loer by ons in elke dag…ons sal ons bytjie heuning om jou mondjie smeer en die lekkerste happies aan jou verkoop wat sal verseker dat jy ‘n ekstra huppel in jou stappie het waar ookal jy vandag heen gaan.
 

   

Facebook fotos 2019

 

 

Die Skuurder (Aankoper) - Christo Vogel

Die Hawemeester (Kampbeheer) - sal bevestig word

Logistiek - sal bevestig word